minn Peter Dacoutros

Ingredjenti:

• 3 kikkri dqiq plain
• Zewġ kuċċarini u nofs baking powder
• Kuċċarina kannella
• Nofs kikkra żbib
• Nofs kikkra sultana
• Kikkra ġewż imqatta’
• Zewġ terzi ta' kikkra żejt tal-ħaxix
• Kikkra zokkor
• Kikkra meraq tal-larinġ frisk
• Qoxra ta' larinġa maħkuka

Biex iżżejjen

• Madwar 8 nofsijiet tal-ġewż
• 2 imgħaref icing sugar

Metodu:

Idlek forma tonda ta' madwar 26 ċentimetru bil-butir, u iksi ħafif bid-dqiq. Għarbel id-dqiq mal-baking powder u l-kannella. Żid iż-żbib u s-sultana u ħallat sew, imbagħad żid il-ġewż u z-zokkor. Ħawwad tajjeb.

Fi skutella separata ħabbat il-meraq tal-larinġ maż-żejt, imbagħad żid il-qoxra tal-larinġa. Żid din it-taħlita mat-taħlita tad-dqiq. Ħawwad ħafif, ħafif, u poġġi din it-taħlita fil-forma li tkun ippreparajt. Illixxa sew il-wiċċ tat-taħlita. Aħmi ġo forn jaħraq għal madwar 50 minuta jew sakemm tara li l-kejk ikun ħa kulur dehbi u jkun sar sew. Oħroġ mill-forn u ħalli joqgħod għal 5 minuti, imbagħad oħroġ il-kejk mill-forma u ħalli jibred sew.

Poġġi l-kejk fuq platt tond, xerred l-icing sugar fil-wiċċ u żejjen bin-nofsijiet tal-ġewż.