minn Peter Dacoutros

Ingredjenti:

• 400 g dqiq plain
  
• Imgħarfa lixxa baking powder
  
• 300 g zokkor
  
• 200 g intrita pura
  
• 150 g lewż imqaxxar u inkaljat.
  
• 100 g ċirasa mqatta’
  
• 2 imgħaref Golden Syrup
  
• 2 kuċċarini mixed spice
  
• Nofs kuċċarina msiemer tal-qronfol mitħuna
  
• 2 imgħaref ilma zahar
  
• Qoxra maħkuka ta' larinġa u qoxra maħkuka ta' lumija
  
• Mgħarfa kokotina
  
• Madwar 3 imgħaref ilma
  
• Golden Syrup biex tiksi

Metodu:

Idlek pjanċi tal-forn bil-marġerina u għaddi ħafif bid-dqiq. Qatta’ il-lewz inkaljat. Għarbel flimkien id-dqiq, il-baking powder u l-kokotina. Żid iz-zokkor, l-intrita, il-ħwawar, iċ-ċirasa, il-golden syrup, il-qxur tal-frott u l-ilma zahar. Għaġen it-taħlita b'idejk u żid l-ilma bil-mod. Din it-taħlita m'għandiex tkun la iebsa u lanqas ratba żżejjed.

Biex tifforma il-kwareżimal, xarrab idejk u fforma bħal zalzett minn din it-taħlita. Poġġi fuq il-pjanci tal-forn u iċċattja ftit il-wicc ta' kull waħda, imbagħad b'sikkina għamel linji skuntrati fil-wiċċ. Aħmi ġo forn moderat għal ftit jaħraq għal madwar għoxrin minuta. Żomm dan il-ħin bi preċiżjoni.

Oħrog mill-forn, ħalli joqogħdu għal żewġ minuti, iksi bil-golden syrup u xerred il-lewż inkaljat. Ħalli jibirdu. Importanti li f'din ir-riċetta inżommu l-ħinijiet preċiżi.