Ingredjenti:

• fillet tal-majjal sħiħ, madwar 350g
• mgħarfa u nofs dqiq
• 2-3 mgħaref żejt taż-żebbuġa
• 250ml inbid adjad (dry)
• 2 mgħaref ħall abjad (wine vinegar)
• 2 kuċċarini zokkor
• mgħarfa bżar sħiħ imħallat, mitħun f'biċċiet kbar
• melħ u bżar
• ful kbir (broad beans) imħallat
• bil-bacon mixwi, biex isservi

Metodu:

1. Qatta' l-majjal dijagonali f'biċċiet irqaq. Poġġihom bejn żewġ biċċiet clear film u sawwathom b'lembuba.
2. Poġġi d-dqiq f'bieqja baxxa. Żid il-melħ u l-bżar u rembel il-laħam fih.
3. Saħħan mgħarfa żejt f'taġen wiesgħa u itfa' l-majjal (kemm joqgħod fit-taġen). Aqli fuq nar medju/għoli għal 2-3 minuti fuq kull naħa sakemm isiru. Neħħihom mit-taġen u warrabhom fil-ġenb. Irrepeti bil-bqija tal-majjal, filwaqt li żżid iż-żejt kull meta jkun hemm bżonn.
4. Ħallat l-inbid, il-ħall u z-zokkor f'bieqja. Ferra' t-taħlita fit-taġen u ħawwad fuq nar għoli sakemm tonqos, filwaqt li taqla' l-fdalijiet żgħar li jkun fadal fil-qiegħ. Żid il-bżar u erġa' poġġi l-majjal fit-taġen. Iksi l-majjal bil-meraq u saħħan. Servih sħun bil-ful u l-bacon mixwi.