Ingredjenti:

Għall-għaġina

• Kuċċarina ħmira
• 450g dqiq
• mgħarfa zokkor
• kuċċarina melħ oħxon
• 300ml ilma sħun
• 2 mgħaref żejt taż-żebbuġa

Għall-mili

• basla, imqatta' irqiqa
• 800g tadam, imqatta'
• melħ u bżar
• mgħarfa timu frisk
• mgġarfa żejt taż-żebbuġa
• 115g tadam żgħir
• 12-il inċova
• 8 gambli friski, imqaxxra
• ftit weraq timu, biex iżżejjen

Metodu:

1. Saħħan il-forn għal 200°C. Itfa' l-ħmira fid-dqiq f'bieqja kbira. Żid iz-zokkor u l-melħ oħxon, l-ilma u ż-żejt taż-żebbuġa u ħallat kollox. Aħdem l-għaġina għal madwar 10 minuti. Għattiha u ħalliha f'post sħun sakemm tirdoppja fid-daqs. Erġa' aħdem l-għaġina għal madwar 5 minuti, imbagħad qattagħha f'erba' biċċiet. Agħmel erba' dawriet għaġina ta' madwar 13-il ċentimetru.
2. Aqli l-basla sakemm tirtab. Żid it-tadam, il-melħ u l-bżar u t-timu u ħalli kollox itektek għal 15-il minuta. Idlek l-għaġina tal-pizza biż-żejt taż-żebbuġa u sajjarha fil-forn (in-naħa midluka wiċċha 'l isfel) għal madwar 6-8 minuti, sakemm tieħu l-kulur sewwa fil-qiegħ. Idlek in-naħa mhix imsajra u dawwar il-pizez ta' taħt fuq.
3. Aqsam it-tadam żgħir min-nofs. Itfa' mgħarfa zalza fuq kull pizza, żewġ inċoviet u żewġ gambli u ftit tadam imqatta' Daħħal il-pizza fil-forn u sajjarha għal 8-10 minuti oħra sakemm issir. Itfa' ftit timu frisk fil-wiċċ u servi.